“Pag-abot ko sa sambahan, sarong diakonesa an nagrani asin nangumusta sakuya. Saro siya sa mga rason kaya nagpapasalamat ako sa Kagurangnan. Naging instrumento siya ta nganing maapod ako asin an sakuyang ina sa

Nagigirumduman ko kung gurano siya kapursigido san una, haros urualdaw nagduduman sa samuyang harong ta nganing imbitaran kami sa mga pagpapabalangibog kan tataramon nin Kagurangnan asin pagpapaliwanag kan importansya nin Iglesia Ni Cristo. Nin huli ta sa saiyang pagiging pursigido, tinanggap kan sakuyang ina an saiyang imbitasyon.

Nin huli ta an sakuyang ina dai nakahiling, an plano ko san una, ihatod sana siya sa pag-aadal kan Biblia asin mahalat sana ako sa luwas sagkod na matapos. Pero, napiritan man giraray ako na magtukaw sa taning niya sa bilog na panahon kan aktibidad.

Nauyam ako sa enot. Pero, an mga adal sa Biblia na nadangog ko, dai sana nagpangalas sakuya; kundi nagtao man sakuya nin liwanag kan kamatud-an. Poon kaidto, padagos na kaming nagdangog asin nagpalista bilang dinudoktrinahan. Dai naghaloy, nabautismuhan ako asin an sakuyang ina sa tunay na Iglesia Ni Cristo.

Namatian ko sa puso ko an labi-labing pagpapasalamat sa pagiging pursigido kan diakonesa, an Tugang na Socorro Jaylo, na naghatod samuya sa pagkamidbid sa tunay na Kagurangnan asin sa pagkakaigwa nin karapatan sa pagsasagibo nin tunay na pagsamba sa Saiya. Sagkod ngunyan, nagtutupad siya kan saiyang katungdan, maski kan nagadan na an saiyang agom. Mientras na kadakol na kaulangan an saiyang inagihan, padagos siyang nag-iimbitar nin mga tawo sa laog kan Iglesia, kaibahan duman an sarong pamilya na ngunyan miyembro naman kan Iglesia.

Nagtatao sakuya nin urog na inspirasyon na pangaputan an sakuyang pagka-Iglesia Ni Cristo na maimod an saiyang debosyon sa Kagurangnan. Nin huli kaini, pagtukaw ko sa laog kan sambahan sa Pasalamat sa Anibersaryo kan Iglesia, maogma akong nagpasalamat sa Kagurangnan sa daing kasagkudan na grasya asin inspirasyon na nareresibe ko sa buhay.”

[When I arrived at the chapel compound, a deaconess approached me and asked how I was. She is one of the reasons that I am thankful to God. She was His instrument in calling me and my mother into the Church.

I remember how persistent she was then, coming to our house almost every day to invite us to evangelical missions and explain the importance of the Church Of Christ. And because of her persistence, my mother accepted her invitation.

Since my mother is blind, my plan back then was to just accompany her on the way to the Bible study and wait outside for it to finish. However, I was compelled to sit with her throughout the event.

I felt annoyed at first. But the biblical teachings I heard did not just make me curious; they enlightened me of the truth. Since then, we continued to listen and enlisted as doctrinal instructees. Eventually, my mother and I were baptized in the true Church Of Christ.

I feel an overwhelming gratefulness in my heart for the persistence of the deaconess, Sister Socorro Jaylo, that led us to knowing the true God and having the right to render true worship of Him. Until now, she fulfills her Church duty devotedly, even after her husband passed away. And as she soldiers on through many challenges, she continues to invite people to the Church, among them was an entire family who are now Church members.

Seeing her devotion to God inspires me even more to hold on to my Church membership. That is why as I sat inside the house of worship during the Anniversary Thanksgiving Worship Service, I joyfully thanked the Lord God for the unending blessings and inspiration I receive in my life.]