An Kapalaran Han Matadong
An Kapalaran Han Matadong
La Biblia enseña sobre una sola verdadera Iglesia y cuyo nombre es “Iglesia De Cristo,” que es profetizada, y cree que solamente el Padre es el Dios verdadero
Por ROMMEL V. SAN PEDRO
(Iginbalhin ha Waray-waray nga yinaknan ni CESAR AZARCON)
Dako hin duro ang kalabutan han panginabuhi nga matadong ha atubangan han Diyos basi karawaton han Iya mga alagad an Iya mga bendisyon. Sugad hini an ginsisiring ha Biblia:
“An sumpa han Ginoo aada ha panimalay han maraot, kondi ginbibendisyunan niya an panimalay han matadong.” (Proberbios 3:33, ginhubad tikang ha New Pilipino Version)Karuyag han Diyos nga magin matadong kita basi makarawat naton ngan han aton panimalay an Iya mga bendisyon. Ano pa an andam buhaton han Diyos para han mga matadong?
“Ginmamangnoan han Diyos an mga matadong ngan an ira pangaraba Iya ginpapamatian … Dayon Niya ginpapamatian an pangaraba han matadong Gintatalwas Niya hira tikang ha mga peligro.” (Salmos 34:15, 17, ginhubad tikang ha Magandang Balita Biblia”)Hini la nga kinabuhi, magpapahimulos kita han pagkaada hini nga kalidad tungod kay an matadong ginmamangnoan han Diyos, ginpapamatian Niya kun kita natawag o nag-aampo, ngan gintatalwas ha mga peligro. An alagad han Diyos nga matadong in nabubuhi ha pagtoo:
“Kondi an akon matadung mabubuhi tungud ha pagtoo: ngan kon hiya umisol, an akon kalag diri malilipay ha iya.” (Hebreohanon 10:38, An Baraan Nga Kasuratan 1983)An nabubuhi ha pagtoo in iginkikinabuhi an pagtoo ni Kristo (Galasia 2:20). Sanglit aada ha iya an panhunahuna han Ginoong Jesucristo, an pagka-masinugtanon ha kaburut-on han Diyos tubtob ha kamatayon (Filipos 2:5, 8). An matadong nga alagad han Diyos in may baraan nga kahadlok ha Ginoo:
“Hiya nga matadong ha Iya paglakat nahahadlok ha GINOO, kundi hiya nga baliko an mga dalan nasalikway ha Iya.” (Proberbios 14:2, ginhubad tikang ha npv)An may baraan nga kahadlok ha Diyos in nabulag ha karaotan:
“Pinaagi han kalooy ngan han kamatuoran an karat-an gintatabonan: Ngan pinaagi han kahadlok ha Ginoo an mga tawo nabaya han karautan.” (Proberbios 16:6, An Baraan Nga Kasuratan 1983)Magpadayon nga Himuon naton nga surundon ha aton kinabuhi an pagin matadong ngan pagin masinugtanon ha mga kasuguanan han Diyos para magpabilin kita nga nakakahatag hin himaya ha Diyos ngan ha sugad nga paagi karawaton naton an Iya hura nga bendisyon.
