An kinamomogtakan kan kaligtasan
An kinamomogtakan kan kaligtasan
La Biblia enseña sobre una sola verdadera Iglesia y cuyo nombre es “Iglesia De Cristo,” que es profetizada, y cree que solamente el Padre es el Dios verdadero
Por ROMMEL V. SAN PEDRO
Ugali na kan tawo (human instinct) na tulos magduman sa ligtas na lugar kun an buhay niya nasa peligro. Sa tahaw kan magna magagabat na problema, pighahanap niya an makakatabang sa iya.
Sa aldaw kan paghuhukom, dai malilikayan kan tawo na atubangon an pinakadakulang peligro sa saiyang buhay por dahil sa aldaw na edtu ihuhulit Kan Kagurangnan an saeyang sentensiya sa ginab-an—papadusahan sa paague kan kalayo an magna tawong maraot (II Pedro 3:5–7) asin ia-apon sa dagat na kalayo o ikaduwang kagadanan na iyo an bilog na kabayadan kan kasa’lan (Kapahayagan 20:14; Roma 6:23). Ipigtutukdo kan Biblia na puwera sa Kaguranangnan na si Jesus, gabos na tawo nakaguibo nin kasa’lan (Roma 5:12; I Pedro 2:21–22). Kaya, gabos na tawo nanganga-ipo nin kaligtasan sa Aldaw kan Paghuhukom.
Sa panahong Cristiano, pinahayag kan Diyos an Saiyang pagkamoot asin herak sa tawo sa paague kan Saiyang pange’not na plano para sa kaligtasan kanine- na an tawo maglaog sa Iglesia na hawak ni Cristo.
“Kuta’na mataw-an Siya nin kamurawayan magpasagkud pa man asin nuarin pa man sa daeng katapusan na mga panahon sa pange’not niyang plano sa kaligtasan para sa Iglesia sa paague ni Jesucristo.” (Efeso 3:21 Living Bible, Binikol)
“Huli ta an agom na lalaki iyo an payo kan agom na babaye, siring man na si Cristo iyo an payo kan iglesia na iyo an hawak niya, asin siya iyo an Paraligtas kaiyan.” (Efeso 5:23 An Bagong Pakikipagtipan)
“Siya iyo an payo kan hawak, na iyo an iglesia.” (Colosas 1:18 An Bagong Pakikipagtipan)
An Iglesia na ililigtas ni Cristo iyo an pigbakal o tinubos Niya kan sa Iyang dugo—an Iglesia Ni Cristo:
“Kaya ingati nindo an saindong sadiri asin an bilog na aripompon, na an mga ini an Espiritu Santo iyo an nanggibo saindong mga parabantay, tanganing pakakanon an Iglesia Ni Cristo na binakal niya kan saiyang dugo.” (Gibo 20:28 Lamsa Translation, Binikol)
Kun sering, an Iglesia Ni Cristo an kinamomogtakan kan kaligtasan. Digde matotoparan kan tawo an kaligtasan sa aldaw kan kadagitan nin Kagurangnan na Diyos por dahil ta ini an ililigtas ni Jesukristo.
Kaya, pag an tawo nag- miembro kan Iglesia Ni Cristo, kaipuhan na pirme sia aktibo sa saiyang pagtubod, isaguibo niya an gabos na katungdan niya, padangatun niya an saiyang pagka-Iglesia Ni Cristo sangkud sa katapusan.
