Kung asa makaplagan ang kaluwasan
Kung asa makaplagan ang kaluwasan
La Biblia enseña sobre una sola verdadera Iglesia y cuyo nombre es “Iglesia De Cristo,” que es profetizada, y cree que solamente el Padre es el Dios verdadero
Por ROMMEL V. SAN PEDRO
Kinaiyang batasan sa tawo (human instinct) nga muadto gilayon sa luwas nga dapit kung nag-ungaw sa peligro. Taliwala sa kasakit, mangita siya og madangpan. Sa Adlaw sa Paghukom, dili malikayan sa tawo nga atubangon ang labing dako nga peligro sa iyang kinabuhi sanglit sa maong adlaw ipahamtang sa Ginoo ang Iyang hukom sa tibuok katawhan—laglagon pinaagi sa kalayo ang mga dautan (II Ped. 3:5–7) ug itambog sa linaw nga kalayo o ikaduhang kamatayon nga maoy hingpit nga bayad sa sala (Bugna 20:14; Roma 6:23). Gitudlo sa Bibliya nga gawas sa Ginoong Jesucristo, tanan nga tawo nakasala (Roma 5:12; I Ped. 2:21–22), busa tanan nga tawo nanginahanglan og kaluwasan sa Adlaw sa Paghukom.
Sa panahong Cristiano, gidayag sa Dios ang Iyang gugma ug kalooy sa tawo pinaagi sa Iyang nag-unang laraw alang sa kaluwasan niini—nga ang tawo mosulod sa Iglesia nga lawas ni Cristo:
“Hinaut hatagan siya og kahimayaan hangtud sa kahangturan sa walay katapusan nga panahon tungod sa Iyang nag-unang laraw sa kaluwasan alang sa iglesia pinaagi kang Jesucristo.” (Efe. 3:21 Living Bible, gihubad gikan sa Ingles)
“Kay ang bana mao ang ulo sa asawa, maingon usab nga si Cristo ulo sa iglesia nga mao ang iyang lawas, ug siya mao ang Manluluwas niini.” (Efe. 5:23)
“Siya mao ang ulo sa lawas, nga mao ang Iglesia …” (Col. 1:18)
Ang Iglesia nga pagaluwason ni Cristo mao ang gipalit ug gitubos Niya sa Iyang dugo—ang Iglesia Ni Cristo:
“Matnguni ninyo kung mao ang inyong kaugalingon ug ang tibuok panon nga niini gihimo kamo sa Espiritu Santo nga mga magbalantay, aron pakan-on ang iglesia ni Cristo nga gipalit niya sa iyang dugo.” (Buhat 20:28 Lamsa Translation, gihubad gikan sa Ingles)
Kung mao, sa Iglesia Ni Cristo makaplagan ang kaluwasan. Dinhi makaplagan sa tawo ang dalangpanan sa adlaw sa kaligutgot sa Dios tungod kay kini ang pagaluwason sa Ginoong Jesucristo.
Busa, kung ang usa ka tawo nahimong sakop sa Iglesia Ni Cristo, angay siyang magpabiling lig-on sa iyang katungdanan, ug ampingan ang iyang pagka-Iglesia Ni Cristo hangtud sa katapusan.
