Kung Nukarin Ya Ing Kaligtasan
Kung Nukarin Ya Ing Kaligtasan
La Biblia enseña sobre una sola verdadera Iglesia y cuyo nombre es “Iglesia De Cristo,” que es profetizada, y cree que solamente el Padre es el Dios verdadero
Por ROMMEL V. SAN PEDRO
Likas a gawi ning tau (human instinct) ing mipagdalus yang paspas keng ligtas a lugal nung ating panganib. King libutad ning kasakitan, manintun yang santungan. King Aldo ning Pamanukum, e na agyung iwasan ning tau a arapan ing pekamaragul a panganib king bie na uling king aldo a ita ipatupad na ning Ginu ing Keyang pamanukum karing tau—ding taung e mayap mate la king api (II Ped. 3:5–7) at miyugse la king dagat-dagatan na ning api o king kaduang kamatayan a ya pin ing ganap a bayad ning kasalanan (Kap. 20:14; Roma 6:23). Tuturu na ning Biblia a maliban king Ginung Jesucristo, ding sablang tau mikasala la (Roma 5:12; I Ped. 2:21–22), inya, ding sablang tau mangailangan lang kaligtasan king Aldo ning Pamanukum.
King panaung Kristiyanu, pepakit na ning Dios ing lugud at lunus Na king tau king kapamilatan ning mumunang planu na para king kaligtasan na—na ing tau lungub ya king Iglesia, ing katawan nang Cristo:
“Keya miyabie sa ing kapurian king alang angga at angga king alang anggang panaun uli na ning keyang pekaplanu ning kaligtasan para king iglesia king kapamilatan nang Jesucristo.” (Efe. 3:21 Living Bible, Misalin ibat keng Ingles)
“Uling ing lalaki ya ing buntuk na ning asawa na, antimo i Cristo ya ing buntuk ning iglesia a katawan na. At ya naman ing Talapagligtas na.” (Efe. 5:23 Ing Mayap a Balita)
“Ya ing buntuk ning iglesia a katawan na” (Col. 1:18 Ing Mayap a Balita)
Ing Iglesia a iligtas nang Cristo ya pin ing seli o inatbus Na king daya Na—ing Iglesia Ni Cristo:
“Ingatan yu sa ing kekayung sarili at ing mabilug a kawan a karela pinili na kayu ning Espiritu Santo a manibala ban pakanan ye ing iglesia ni Cristo a seli na king kayang daya.” (Gawa 20:28 Lamsa Translation, Misalin ibat keng Ingles)
Uli na niti, atyu ya king Iglesia Ni Cristo ing kaligtasan. Keni la manakit santungan ding tau king aldo ning mua ning Dios uling ini ing iligtas ning Ginung Jesucristo.
Inya, istung ing metung a tau linub ya keng Iglesia Ni Cristo, dapat yang manatiling matatag king panga-alal na, tuparan na ngan ing sablang katungkulan na, at ingatan ne ing keyang pagka-Iglesia Ni Cristo angga king kapupusan.
