Kun hain aadto an katalwasan
Kun hain aadto an katalwasan
La Biblia enseña sobre una sola verdadera Iglesia y cuyo nombre es “Iglesia De Cristo,” que es profetizada, y cree que solamente el Padre es el Dios verdadero
Por ROMMEL V. SAN PEDRO
Kinaiya han tawo nga kumadto dayon ha talwas nga lugar kun naatubang hiya hin peligro. Ha butnga han kasakit, nagbibiling hiya hin arayupan. Ha Adlaw han Paghukom, diri malilikayan nga maatubang han tawo an pinakadako nga peligro han iya kinabuhi kay hito nga adlaw igpapatuman han Ginoo an Iya paghukom ha katawhan – bubungkagon pinaagi han kalayo an mga maraot. (II Ped. 3:5–7) ngan ilalabog ha linaw nga kalayo o ha ikaduha nga kamatayon nga amo an bug-os nga bayad han sala. (Pah. 20:14; Roma 6:23). Igintututdo han Biblia nga labot han Ginoong JesuCristo, ngatanan nga tawo nakasala (Roma 5:12; I Ped. 2:21–22), Salit, ngatanan nga tawo nagkikinahanglan hin katalwasan ha Adlaw han Paghukom.
Ha panahon han Cristiano, iginpahayag han Diyos an Iya gugma ngan pagpaid ha tawo pinaagihan Iya syahan nga plano para han ira katalwasan—nga an tawo mag-miyembro ha Iglesia nga lawas ni Cristo:
“Hinaot unta nga tagan hiya hin himaya ha kadayonan ha waray katapusan nga mga panahon tungod han Iya syahan nga plano han katalwasan para ha Iglesia pinaagi kan JeusCristo.” (Efe. 3:21 Living Bible, ginhubad tikang ha Iningles)
“Kay an lalaki amo an ulo han iya asawa, sugad man nga hi Cristo amo an ulo han Iglesia, nga hiya liwat na manluluwas han lawas.” (Efe. 5:23, ginhubad tikang ha Tinagalog nga Biblia)
“Ngan hiya amo an ulo han lawas, nga amo an Iglesia,” (Kol. 1:18, ginhubad tikang ha Tinagalog nga Biblia)
An Iglesia nga tatalwason ni Cristo amo an Iya ginpalit o gintubos pinaagi han Iya dugo—an Iglesia Ni Cristo:
“Bantayi niyo ang iyo kalugaringon, ngan an bug-os nga panon nga ginhimo ha iyo han Espiritu Santo nga mga magbarantay, basi mangnuan an Iglesia Ni Cristo nga ginpalit Niya pinaagi han Iya dugo” (Buhat 20:28 Lamsa Translation, ginhubad tikang ha Iningles)
Sanglit, ha Iglesia Ni Cristo la aada an katalwasan. Dinhi an mga tawo makakabiling hin arayupan ha adlaw han kapungot han Diyos kay ini amo an tatalwason han Ginoong JesuCristo.
Salit, kun an usa nga tawo magin miyembro ha Iglesia Ni Cristo, kinahanglan magpabilin hiya nga marig-on ha iya pagka-pinili, tumanon an ngatanan niya nga katungdanan, ngan iya paghirutan ang pagin miyembro ha Iglesia Ni Cristo tubtob ha katapusan.
